لاا تقووووول ما أقدر ....

بسم الله الرحمن الرحيــم

فلان استغفر و اذكر ربك ترى الذكر ما ياخذ منك شي و لا يلزمك بحاجة و صدقني راح تتيسر كل أمورك

::>>الرد الدائم:مشغول..ما عندي وقت..ما أقدر ما أقدر ما أقدر !!

فلان و أنا أخوك لا تنسى صلاة الوتر ترى كلها ركعة وحدة و يحبها ربك

::>>الرد الدائم:مشغول..ما عندي وقت..ما أقدر ما أقدر ما أقدر !!

فلان يا الغالي حدك جالس ع التلفزيون الحين قوم صل الضحى قبل ما يروح وقتها تراها سهلة ركعتين و لا تاخذ منك خمس دقايق

::>>الرد الدائم:مشغول..ما عندي وقت..ما أقدر ما أقدر ما أقدر !!

فلان حبيبي الله لا يهينك من متى ما قريت لك قرآن؟؟ اقرا لو آية وحدة تستشعرها و تقراها بقلبك أحسن لك يا الغالي

::>>الرد الدائم:مشغول..ما عندي وقت..ما أقدر ما أقدر ما أقدر !!

وش رايك نناظر حلقة من برنامج ديني نستفيد و نكسب أجر و تراه الداعية هذاك اللي تحبه و تموت فيه

::>>الرد الدائم:مشغول..ما عندي وقت..ما أقدر ما أقدر ما أقدر !!

طيب تعال نجلس سوا في المسجد في محاضرة عقب العصر مدتها أقل من خمس دقايق صدقني ما راح تخسر شي

::>>الرد الدائم:مشغول..ما عندي وقت..ما أقدر ما أقدر ما أقدر !!

[size=21]<<<<<<<<<<<<<<<<<<<<<<<<<<<<<<<<<<<[/size]

شفتوا؟؟ وش كثر هالأشياء سهلة؟؟ و لا تاخذ وقت و مع كذا دايم نسمع كلمة:

مشغول:وش اللي يشغلك؟؟ نظم وقتك و ساعة و ساعة و خصص جزء لدينك اللي ما في أسهل منه..مشغول بإيش أبي أعرف!!

ما عندي وقت:أصلا أغلب أوقاتنا لعب و نت و سوالف و
نوم ما تقدر تخلي ساعة واحدة ع الأقل لأشياء سهلة زي اللي ذكرتها و لها
أجر كبير بس دقيقة من وقتك الثمين

ما أقدر:لا تقول ما أقدر!! إنت تقدر

لكن قول:ما أبغى إيه خلك صريح و قول أنا ما أبغى الأجر..ما أبغى أجاهد نفسي لو مرة واحدة و أتغلب عليها

من اليوم و رايح نبي نمسح كلمة ما أقدر و نحاول بكل الطرق و إن فشلت اعرف إنك..ما تبغى للأسف

اللهم اعنا على ذكرك وشكرك وحسن عباادتك

جزااكى الله كل خير يا مبدعه